రుతు ఆరోగ్యం బాలిక‌ల ప్రాథ‌మిక హ‌క్కు : సుప్రీంకోర్టు

న్యూఢిల్లీ : భార‌త దేశ స‌ర్వోన్న‌త ప్ర‌ధాన న్యాయ‌స్థానం సంచ‌ల‌న తీర్పు వెలువ‌రించింది. కోట్లాది మంది బాలిక‌లు, యువ‌తులు, మహిళ‌లు ప్ర‌తి నెలా మెన్స‌స్ తో తీవ్ర ఇబ్బందుల‌కు గుర‌వుతారు. ప్ర‌త్యేకించి బాలిక‌ల ప‌రిస్థితి దారుణంగా ఉంటుంది. ప్ర‌త్యేకించి నెల నెలా వ‌చ్చే రుతుక్ర‌మం గురించి దాఖ‌లైన పిటిష‌న్ పై శుక్ర‌వారం కీల‌క వ్యాఖ్య‌లు చేసింది.ఈ మేర‌కు రుతు ఆరోగ్యం అనేది బాలిక‌ల ప్రాథ‌మిక హ‌క్కు అని తేల్చి చెప్పింది. పాఠశాల విద్యార్థులకు ఉచిత ప్యాడ్‌లను అందించాలని ఆదేశించింది . అంతే కాకుండా మహిళా విద్యార్థుల హక్కులను కాపాడటం, ఉచిత శానిటరీ ప్యాడ్‌లు అందించ‌డం, తగినంత పారిశుధ్యాన్ని నిర్ధారించడం, ఆరోగ్యం, విద్య హక్కులను అనుసంధానించడం వంటి పాఠశాలల విధిని కోర్టు తీర్పు హైలైట్ చేసింది. ప్ర‌త్యేకంగా ప్ర‌స్తావించింది ధ‌ర్మాస‌నం.
ప్రైవేట్ , ప్రభుత్వ పాఠశాలల్లోని బాలికలకు బయో-డిగ్రేడబుల్ రుతు శానిటరీ ప్యాడ్‌లను ఉచితంగా అందించాలని అన్ని రాష్ట్రాలు, కేంద్రపాలిత ప్రాంతాలను సుప్రీంకోర్టు ఆదేశించింది . రుతు ఆరోగ్యం హ‌క్కు రాజ్యాంగంలో పొందు ప‌ర్చ‌బ‌డిన జీవించే హ‌క్కులో భాగ‌మ‌ని స్ప‌ష్టం చేసింది. అన్ని పాఠశాలల్లో స్త్రీ, పురుష విద్యార్థులకు ప్రత్యేక టాయిలెట్‌లను ఏర్పాటు చేయాల‌ని ప్ర‌ధాన న్యాయ‌మూర్తులు జేబీ పార్థివాలా, ఆర్ మ‌హ‌దేవ‌న్ ల‌తో కూడిన ధ‌ర్మాస‌నం సంచ‌ల‌న తీర్పు వెలువ‌రించింది. అన్ని పాఠశాలలు, అవి ప్రభుత్వ నిర్వహణలో ఉన్నాయా లేదా నియంత్రణలో ఉన్నాయా అనే దానితో సంబంధం లేకుండా, వికలాంగులకు అనుకూలమైన టాయిలెట్‌లను అందించాల్సి ఉంటుందని కూడా పేర్కొంది.
రుతు ఆరోగ్యం హక్కు రాజ్యాంగంలోని ఆర్టికల్ 21 ప్రకారం జీవించే హక్కులో భాగం అని కోర్టు పేర్కొంది. ప్రైవేట్ పాఠశాలలు ఈ సౌకర్యాలను అందించడంలో విఫలమైతే, వాటి గుర్తింపు రద్దు చేయబడుతుందని హెచ్చ‌రించింది. బాలికలకు టాయిలెట్లు , ఉచిత శానిటరీ ప్యాడ్‌లను అందించడంలో ప్రభుత్వాలు కూడా విఫలమైతే అది బాధ్యత వహించాల్సి ఉంటుందని ధర్మాసనం సంచ‌ల‌న వ్యాఖ్య‌లు చేసింది. 6 నుండి 12 తరగతుల వరకు కౌమార దశలో ఉన్న బాలికల కోసం ప్రభుత్వ , ప్రభుత్వ-సహాయక పాఠశాలల్లో కేంద్ర ప్రభుత్వం ‘పాఠశాలకు వెళ్లే బాలికల కోసం రుతుక్రమ పరిశుభ్రత విధానాన్ని’ దేశ వ్యాప్తంగా అమలు చేయాలని కోరుతూ జయ ఠాకూర్ డిసెంబర్ 10, 2024న ప్రజా ప్రయోజన వ్యాజ్యం దాఖ‌లు చేసింది. దీనిపై సుప్రీంకోర్టు తన తీర్పును రిజర్వ్ చేసింది.
The post రుతు ఆరోగ్యం బాలిక‌ల ప్రాథ‌మిక హ‌క్కు : సుప్రీంకోర్టు appeared first on TeluguISM – Telugu News | తెలుగు న్యూస్ | Latest Telugu News | Telugu News LIVE | Telugu News Online | Telugu Breaking News.