టాలీవుడ్ కింగ్ అక్కినేని నాగార్జున తన కెరీర్‌లో 100వ సినిమాతో కొత్త ప్రయాణాన్ని మొదలుపెట్టాడు. ఎటువంటి హడావిడి లేకుండా సైలెంట్‌గా ఈ ప్రాజెక్ట్ ప్రారంభమైంది. తమిళ దర్శకుడు ఆర్. కార్తీక్ దర్శకత్వం వహిస్తున్న ఈ సినిమా గురించి ఇండస్ట్రీలో ఇప్పటికే మంచి చర్చ నడుస్తోంది. ఈ సినిమాకు “లాటరీ కింగ్” అనే టైటిల్‌ను పరిశీలిస్తున్నారని సమాచారం.
నాగార్జునకు ఇది మైలురాయి లాంటి సినిమా కావడంతో ఇందులోని ప్రతి అంశం ప్రత్యేకంగా ఉండబోతుందని ఫ్యాన్స్ నమ్ముతున్నారు. తాజాగా ఈ సినిమాలో హీరోయిన్‌గా సీనియర్ నటి టబూ కనిపించనుందనే వార్త సినీ వర్గాల్లో హాట్ టాపిక్‌గా మారింది. నాగ్–టబూ జంట గతంలో ‘నిన్నే పెళ్లాడతా’ చిత్రంతో ప్రేక్షకుల మనసుల్లో నిలిచిపోయింది. ఆ తర్వాత వారు ‘ఆవిడా మా ఆవిడే’ సినిమాలో కూడా కలిసి నటించారు. ఆ తర్వాత ఈ జంట మరోసారి కలిసి కనిపించలేదు.
ఇప్పుడీ మైల్‌స్టోన్ సినిమా కోసం మళ్లీ టబూను ఎంపిక చేశారన్న వార్త బయటకు రావడంతో అక్కినేని అభిమానులు ఎంతో ఆనందంగా ఉన్నారు.
The post కింగ్ కోసం ఆలనాటి అందాల ముద్దుగుమ్మ! appeared first on Telugumopo – Movies and Politics.
