కోలీవుడ్ స్టార్ హీరో కార్తీ కెరీర్ గ్రాఫ్ గమనిస్తే చాలా ఇంట్రెస్టింగ్ గా ఉంటుంది. తక్కువ సమయంలోనే ఎక్కువ సక్సెస్ రేట్ ఉన్న హీరోల్లో కార్తీ ఒకరు. వైవిధ్యమైన కథలను ఎంచుకుంటూ తక్కువ ఫ్లాపులు అందుకున్న రికార్డు ఆయనకుంది. అయితే కార్తీ కెరీర్ లో ఫ్లాప్ అయిన కొన్ని సినిమాలు మాత్రం బాక్సాఫీస్ దగ్గర గట్టి దెబ్బే కొట్టాయి. ఆ సినిమాలు ఏ స్థాయిలో నిరాశపరిచాయంటే.. అవి తీసిన దర్శకుల కెరీర్లనే డైలమాలో పడేశాయి.
ముఖ్యంగా ‘దేవ్’ సినిమా కార్తీ కెరీర్ లో ఒక పెద్ద మైనస్ గా నిలిచింది. ఈ సినిమా రిజల్ట్ తర్వాత దర్శకుడు రజత్ రవిశంకర్ మళ్ళీ మెగా ఫోన్ పట్టే అవకాశం రాలేదు. అలాగే రాజు మురుగన్ లాంటి ప్రతిభ ఉన్న దర్శకుడి నుంచి వచ్చిన ‘జపాన్’ భారీ అంచనాలతో వచ్చి దారుణంగా దెబ్బతిన్నది. ఈ మూవీ దెబ్బతో దర్శకుడు కూడా కొంతకాలం రేసులో వెనకబడిపోయారు.
ఇక కమర్షియల్ హంగులతో వచ్చిన ‘అలెక్స్ పాండియన్’ డైరెక్టర్ సూరజ్ పతనాన్ని శాసించింది. అలాగే ఎం. రాజేష్ దర్శకత్వంలో వచ్చిన ‘ఆల్ ఇన్ ఆల్ అళగురాజా’ కూడా బాక్సాఫీస్ వద్ద బోల్తా కొట్టింది. అయితే ఈ రెండు సినిమాల్లో సంతానం కామెడీ ట్రాక్స్ మాత్రం ఆడియన్స్ ను ఇప్పటికీ నవ్విస్తుంటాయి. కేవలం ఆ కామెడీ వల్లనే ఈ సినిమాలు కొంతవరకు టీవీల్లో ఆదరణ పొందుతున్నాయి.
లెజెండరీ డైరెక్టర్ మణిరత్నం దర్శకత్వంలో కార్తీ చేసిన ‘కాట్రు వెలియిడై’ (చెలియా) కూడా ఆశించిన స్థాయిలో మెప్పించలేకపోయింది. ఒక క్లాసిక్ లవ్ స్టోరీ అవుతుందని భావించినా.. బాక్సాఫీస్ వద్ద ఇది నిరాశపరిచింది. అదేవిధంగా నలన్ కుమారస్వామి లాంటి వెరైటీ దర్శకుడితో చేసిన ‘వా వాతియార్’ కూడా బాక్సాఫీస్ బాంబుగా మిగిలిపోయింది.
కార్తీ ఎప్పుడూ చెబుతుంటారు.. “నేను వేసే ప్రతి అడుగు చాలా రిస్క్ తో కూడుకున్నది” అని. సక్సెస్ వస్తే రేంజ్ ఎలా ఉంటుందో.. ఫ్లాప్ వస్తే ఆ ఎఫెక్ట్ కూడా అంతే గట్టిగా ఉంటుందని ఈ సినిమాలు నిరూపించాయి.
అయినప్పటికీ కార్తీ తన తప్పుల నుంచి పాఠాలు నేర్చుకుంటూ ప్రతిసారి బలమైన కమ్ బ్యాక్ ఇస్తుంటారు. అందుకే ఫ్లాపులు వచ్చినా ఆయన మార్కెట్ స్టామినా ఏమాత్రం తగ్గలేదు. ఖైదీ, సత్యం సుందరం లాంటి హిట్స్ తో బౌన్స్ బ్యాక్ అవుతూనే ఉన్నాడు.
కార్తీ ఫిల్మోగ్రఫీలో కొన్ని సినిమాలు బ్యాడ్ మెమరీస్ గా మిగిలిపోయాయి. కానీ వీటిని పక్కన పెడితే కార్తీ నుంచి వచ్చిన క్లాసిక్ హిట్స్ సంఖ్య చాలా ఎక్కువ. ప్రస్తుతం ఆయన లైనప్ చూస్తుంటే మళ్ళీ పాత రికార్డులను తిరగరాసేలా కనిపిస్తున్నారు.
