సినిమాలకు టైటిళ్లు పెట్టడంలో త్రివిక్రమ్ శ్రీనివాస్ స్టైలే వేరు. స్టార్ హీరోల సినిమాలకు సైతం, క్లాస్గా, కొంచెం పొయెటిగ్గా, ఫ్యామిలీ ఆడియన్స్ ఇష్టపడేలా టైటిళ్లు పెట్టే ప్రయత్నం చేస్తుంటాడు త్రివిక్రమ్. అతడు, అత్తారింటికి దారేది, సన్నాఫ్ సత్యమూర్తి, అజ్ఞాతవాసి, అరవింద సమేత.. లాంటి టైటిళ్లు ఈ కోవకే చెందుతాయి.
ఇప్పుడు యువ దర్శకుడు వెంకీ అట్లూరి త్రివిక్రమ్ స్టయిల్లో తన కొత్త చిత్రానికి టైటిల్ పెటినట్లు తెలుస్తోంది. త్రివిక్రమ్ సినిమా పేరు ‘సన్నాఫ్ సత్యమూర్తి’ని గుర్తు చేసేలా.. తన సినిమాకు ‘విశ్వనాథం అండ్ సన్స్’ అనే టైటిల్ ఖరారు చేశాడట వెంకీ.
చివరగా తీసిన ‘లక్కీ భాస్కర్’తో గొప్ప పేరు సంపాదించిన వెంకీ.. ఆ తర్వాత తమిళ స్టార్ హీరో సూర్యతో ఒక ఫ్యామిలీ డ్రామాను తెరకెక్కిస్తున్న సంగతి తెలిసిందే. ఈ కథకు ‘విశ్వనాథం అండ్ సన్స్’ అన్నది యాప్ట్ టైటిల్గా ఫీలయ్యారట. ఈ పేరును ఖరారు చేశారని.. త్వరలోనే టైటిల్ను అధికారికంగా ప్రకటించబోతున్నారని సమాచారం.
ఈ సినిమాను నిర్మిస్తున్నది సితార ఎంటర్టైన్మెంట్స్ అధినేత నాగవంశీ. ఈ బేనర్లో తీసే ప్రతి చిత్రంలో తివిక్రమ్ ప్రొడక్షన్ హౌస్ ‘ఫార్చ్యూన్ ఫోర్’ భాగస్వామిగా ఉంటుంది. కాబట్టి ‘విశ్వనాథం అండ్ సన్స్’ సినిమాలో త్రివిక్రమ్ చేయి కూడా ఉన్నట్లే.
ఓ మంచి విజయం కోసం చాన్నాళ్లుగా ఎదురు చూస్తున్న సూర్యకు ‘విశ్వనాథం అండ్ సన్స్’తోనే ఆ లోటు తీరుతుందేమో చూడాలి. దీని కంటే ముందు ‘కరుప్పు’ అనే మరో సినిమా రావాల్సి ఉన్నప్పటికంటే.. దాని కంటే వెంకీ సినిమానే ప్రామిసింగ్గా కనిపిస్తోంది.
ఇందులో సూర్య నడి వయస్కుడిగా కనిపిస్తుంటే.. తన వయసులో సగం ఉండే మామిత బైజుతో ప్రేమలో పడేలా ఈ పాత్రను తీర్చిదిద్దారట. ఈ లైనే చాలా ఇంట్రెస్టింగ్గా అనిపిస్తోంది. వేసవిలో ఈ చిత్రం ప్రేక్షకుల ముందుకు రాబోతోంది.