రేపు విడుదల కాబోతున్న గాయపడ్డ సింహంలో స్పెషల్ క్యామియో చేసిన శ్రీవిష్ణుని దాచి పెట్టుకుని ట్రంప్ కార్డులా వాడకుండా ముందే రివీల్ చేసి టీమ్ తెలివైన పని చేసింది. ఎందుకంటే ఈ అంశాన్ని దాచి పెట్టి ఆడియన్స్ కి సర్ప్రైజ్ ఇవ్వాలంటే ముందైతే మొదటి రోజు జనం నిండుగా రావాలి. తరుణ్ భాస్కర్ కి ఎలాంటి ఇమేజ్ లేని నేపథ్యంలో క్రౌడ్ ని ఫుల్ చేయాలంటే ఒక స్ట్రాంగ్ కమర్షియల్ ఎలిమెంట్ అవసరం. దాన్ని శ్రీవిష్ణు రూపంలో వాడుకున్నారు.
ఒకరకంగా చెప్పాలంటే శ్రీవిష్ణుకి కూడా ఇలాంటి సింహం అవసరం ఉంది. ఎందుకంటే తన గత రెండు సినిమాలు విష్ణు విన్యాసం, మృత్యుంజయ్ బాక్సాఫీస్ వద్ద ఫెయిలయ్యాయి. అలాని కొత్త సినిమాలు చేయడంలో నెమ్మదించలేదు కానీ బలమైన హిట్టు ఒకటి పడితే మార్కెట్ పరంగా ప్లస్ అవుతుంది. స్పెషల్ ప్రీమియర్ టాక్ ప్రకారం గాయపడ్డ సింహంలో చేతబడి చేసే వెరైటీ క్యారెక్టర్ లో శ్రీవిష్ణు డిఫరెంట్ గా ఉన్నాడట. క్లిక్ అయితే చాలా ప్లస్ అవుతుందని అంటున్నారు.
ట్విస్ట్ ఏంటంటే గాయపడ్డ సింహంకి రెండో భాగం పోరాట సింహంలో హీరో శ్రీవిష్ణునే. ఇది కూడా పెద్ద సస్పెన్స్ ఏమి కాదు. ఆల్రెడీ మూడు సినిమాల లైనప్ తో బిజీగా ఉన్న తనకు ఈ కంటెంట్ మీద నమ్మకంతోనే గ్రీన్ సిగ్నల్ ఇచ్చి ఉంటాడు. కశ్యప్ శ్రీనివాస్ దర్శకత్వం వహించిన ఈ కామెడీ థ్రిల్లర్ లో జెడి చక్రవర్తి మరో అట్రాక్షన్ గా నిలుస్తున్నారు. విసుగు చెందకుండా అడిగిన వాళ్లందరికీ ఇంటర్వ్యూలు ఇచ్చి మరీ వైరల్ కంటెంట్ కు దోహదపడ్డారు
మరో కామెడీ మూవీ జెట్లీతో పోటీ పడుతున్న గాయపడ్డ సింహంకు మంచి రిలీజ్ దక్కుతోంది. కాంపిటీషన్ తక్కువగా ఉండటం వల్ల అవసరమైనన్నీ స్క్రీన్లు దొరుకుతున్నాయి. డబ్బింగ్ సినిమాల బజ్ సున్నా ఉండటంతో అది సత్య, తరుణ్ భాస్కర్ లకు ప్లస్ కానుంది. సామజవరగమనలో చిన్న గెస్టు రోల్ తో దాని హిట్ లో భాగం పంచుకున్న శ్రీవిష్ణు ఇప్పుడీ గాయపడ్డ సింహం కనక సక్సెస్ అయితే ఎంత శాతం క్రెడిట్ దక్కించుకుంటాడనేది వేచి చూడాలి.